Manchester United hefur orðið fyrirblóðtöku en Raphael Varane verður frá næstu vikurnar vegna meiðsla.
Varane meiddist á nára í leik með franska landsliðinu á sunnudag. „Verður hann frá í nokkrar vikur vegna þess,“ segir í yfirlýsingu United í dag.
Varane gekk í raðir United í sumar og hefur átt ágætis spretti í hjarta varnarinnar.
Fyrir er Harry Maguire meiddur og því gæti vantað báða mennina sem Ole Gunnar Solskjær vill hafa í byrjunarliði sínu um helgina. United mætir Leicester á laugardag.
Varane kom til United frá Real Madrid en hann hafði átt í talsverðum vandræðum með að halda fullri heilsu á Spáni.