Leikið var í E, G, H og J-riðli undankeppni HM 2022 í kvöld. Hér fyrir neðan má sjá úrslitin.
Hvíta-Rússland 0-2 Tékkland
Eistland 0-1 Wales
Belgar eru á toppi riðilsins með 16 stig, Tékkar í öðru sæti með 11 stig, sem og Wales sem er í þriðja sæti. Eistland er með 4 stig í fjórða sæti og Hvíta-Rússland með 3 stig í neðsta sæti.
Lettland 1-2 Tyrkland
Holland 6-0 Gíbraltar
Holland rúllaði yfir Gíbraltar. Virgil van Dijk kom þeim yfir á 9. mínútu. Memphis Depay bætti svo við tveimur mörkum í fyrri hálfleik.
Denzel Dumfries skoraði svo snemma í seinni hálfleik. Fimmta mark Hollands skoraði Arnaut Danjuma á 75. mínútu. Undir lok leiks skoraði svo Donyell Malen.
Noregur 2-0 Svartfjallaland
Mohamed Elyonoussi skoraði bæði mörk Noregs gegn Svartfellingum. Það fyrra eftir um hálftíma og það seinna í lok leiks.
Holland er á toppi riðilsins með 19 stig, Noregur í öðru sæti með 17 stig og Tyrkland í því þriðja með 15. Svartfellingar eru svo með 11 stig í fjórða sæti, Lettar með 5 stig í fimmta og Gíbraltar neðstir án stiga.
Króatía 2-2 Slóvakía
Ivan Schranz kom Slóvökum yfir á 20. mínútu en Andrej Kramaric jafnaði fimm mínútum síðar. Rétt fyrir hálfleik kom Lukas Haraslin Slóvakíu aftur yfir.
Luka Modric átti þó eftir að jafna leikinn þegar 20 mínútur lifðu hans.
Kýpur 2-2 Malta
Slóvenía 1-2 Rússland
Rússland er í efsta sæti riðilsins með 19 stig og Króatar í öðru sæti með 17 stig. Slóvakar og Slóvenar hafa 10 stig hvor og Malta og Kýpur 5 stig hvor.
N-Makedónía 0-4 Þýskaland
Timo Werner gerði tvö mörk fyrir Þýskaland í stórsigri á N-Makedóníu. Hin mörkin gerðu Kai Havertz og Jamal Musiala.
Rúmenía 1-0 Armenía
Alexandru Mitrita gerði eina mark leiksins í sigri Rúmena á Armenum.
Þjóðverjar eru þegar komnir á HM. Liðið er langefst í riðlinum með 21 stig. Rúmenar eru í öðru sæti með 13 stig, N-Makedónar í þriðja með 12 stig, sem og Armenar sem eru í fjórða sæti. Ísland er í fimmta sæti með 8 stig og Liechtenstein í neðsta sæti með 1 stig.