„Það var erfið ákvörðun að yfirgefa Fram, mér leið eins og heima hjá mér þar,“ sagði varnarmaðurinn Kyle McLagan eftir að hafa skrifað undir samning við Víking.

McLagan hefur átt gott eitt og hálft tímabil með Fram en ákvað að semja við Íslandsmeistarana. Kyle er 25 ára gamall en hann gekk í raðir Fram sumarið 2020 og hefur síðan þá leikið frábærlega.

Hann kemur til félagsins þar sem Sölvi Geir Ottesen og Kári Árnason leggja skóna á hilluna eftir tímabilið.

„Að ganga til liðs við meistaranna er algjör draumur, vonandi verða þeir bikarmeistarar. Það er draumur hvers leikmanns að skrifa undir hjá meisturunum,“ sagði Kyle en Víkingur varð Íslandsmeistari um liðna helgi.

„Ég hef aldrei verið hræddur við áskorun, ég hef talað við Kára. Ég er spenntur fyrir tækifærinu, þetta eru stórir skór að fylla í,“ sagði Kyle.

Viðtalið við Kyle er í heild hér að neðan.