Manchester United og Everton mættust í fyrsta leik 7. umferðar ensku úrvalsdeildarinnar um helgina. Leikið var á Old Trafford. Það var nokkuð jafnt með liðunum í fyrri hálfleik en Anthony Martial kom heimamönnum yfir á 43. mínútu eftir gott samspil United manna.
Andros Townsend jafnaði metin í seinni hálfleik eftir frábæra skyndisókn Everton sem hófst á því að Demarai Gray vann boltann af Fred. Gray gaf boltann á Doucoure sem gaf á Townsend sem skoraði örugglega framhjá David De Gea í markinu. Yerry Mina hélt hann hefði komið Everton í 2-1 á 85. mínútu en mark hans var dæmt af vegna rangstöðu.
Cristiano Ronaldo, Jadon Sancho og Paul Pogba komu allir inn á sem varamenn í seinni hálfleik en tókst ekki að tryggja United mönnum stigin þrjú og lokatölur 1-1.
Sir Alex Ferguson og Khabib Nurmagomedov einn vinsælasti UFC kappi í heimi voru að ræða saman á Old Trafford eftir leik. „Þú átt alltaf að byrja með þína bestu leikmenn,“ sagði Ferguson og gagnrýndi þar Ole Gunnar Solskjær fyrir að byrja ekki með Ronaldo.
Samtal þeirra náðist á myndband eins og sjá má hér að neðan.
Sir Alex Ferguson: “You should always start with your best players.” [IG: khabib_nurmagomedov via @MirrorFootball pic.twitter.com/Ofisl9wGrl
— Topsportstv (@Topsportstv1) October 5, 2021