Manuel Lanzini, leikmaður West Ham United, var staðinn að því ásamt þremur öðrum leikmönnum Tottenham, að brjóta sóttvarnarreglur í Bretlandi yfir jólahátíðina.
Aðgerðir hafa verið hertar svo um munar í Bretlandi síðustu vikur. Það stoppaði leikmennina ekki í því að hittast með fjölskyldur sínar yfir jólahátíðina og brjóta reglur um fjöldatakmörk.
Lanzini, sér eftir þessum gjörðum sínum og greindi frá því á samfélagsmiðlum um daginn að hann í samráði við West Ham United, muni leggja góðgerðastarfsemi í London lið.
„Ég hef hugsað mikið um hegðun mína um jólin, ég veit að ég get ekki breytt gjörðum mínum en ég hef talað við félagið og knattspyrnustjórann og vil að eitthvað gott komi út úr þessu,“ skrifaði Lanzini á samfélagsmiðlum.
Lanzini mun styrkja góðgerðasamtökin Newham Foodbankl, sem útvega mat handa fólki sem leitar til samtakanna vegna bágra aðstæðna.
„Ég vona að ég geti hjálpað samtökunum á erfiðum tímum,“ skrifaði Manuel Lanzini, leikmaður West Ham United.