Því var haldið fram í Dr. Football hlaðvarpsþættinum í dag Davíð Snorri Jónasson yrði næsti þjálfari U21 árs landsliðsins.
Davíð Snorri hefur stýrt U17 ára landsliðinu síðustu ár og aðstoðað í U19 ára landsliðinu, hann var áður í þjálfun hjá Leikni.
Því var svo haldið fram hans aðstoðarmaður yrði Bjarni Þór Viðarsson, Bjarni var fyrirliði U21 árs landsliðsins sem fór á stórmót 2011 og úr varð gullkynslóð Íslands.
Arnar Þór Viðarsson, yfirmaður knattspyrnumála og landsliðsþjálfari karla sér um að ráða í störfin en hann er bróðir Bjarna.
Þá var sagt að Ólafur Ingi Skúlason myndi taka við U19 ára landsliði Íslands, Lúðvík Gunnarsson yrði svo hans aðstoðarmaður. Þorvaldur Örlygsson lét af störfum með U19 ára landsliðið á síðasta ári.