Mánudagur 01.mars 2021
433Sport

Þetta eru viðbrögð fólks í Svíþjóð eftir að fréttinn um Kolbein fór út – „Það er skrifað í skýin“

Hörður Snævar Jónsson
Miðvikudaginn 27. janúar 2021 09:05

Ekki missa af Helstu tíðindum dagsins í pósthólfið þitt

Lesa nánar

Kolbeinn Sigþórsson hefur skrifað undir eins árs samning við IFK Gautaborg í sænsku úrvalsdeildinni. Hann gerir eins árs samning við félagið.

Kolbeinn rifti samningi sínum við AIK í Svíþjóð fyrir jól þegar ár var eftir af samningi hans. Tíðindin koma blaðamönnum í Svíþjóð nokkuð á óvart enda hafði ekkert heyrst af áhuga Gautaborgar, tíðindin koma því eins og þruma úr heiðskíru lofti.

Daniel Kristoffersson blaðamaður hjá Expressen í Svíþjóð segir að allar líkur á því að Kolbeinn fái stærstan hluta launa sinna fyrir spilaða leiki, þannig hafi samningur hans við AIK verið.

Framherjinn knái hafði fyrir dvöl sína hjá AIK lítið sem ekkert spilað fótbolta í tæp þrjú ár, eftir Evrópumótið í Frakklandi árið 2016 glímdi Kolbeinn við mikið af meiðslum. Hann var síðan settur í frystikistuna hjá Nantes í Frakklandi og fékk ekkert að spila.

Hjá AIK tókst honum ekki að finna sitt besta form, framherjinn sem er alltaf líklegur til þess að skora fyrir íslenska landsliðið átti í vandræðum með að skora hjá AIK. Kolbeinn er þrítugur að aldri og er markahæsti leikmaður í sögu íslenska landsliðsins ásamt Eiði Smára Guðjohnsen.

Hér að neðan má sjá viðbrögð fólks í Svíþjóð við tíðindum dagsins.

Robert Laul – Íþróttafréttamaður
Ef það er eitthvað sem Gautaborg hefur vantað síðustu þrjú ár er það kraftmikill framherji. Sterkur maður í fremstu víglinu, Kolbeinn Sigþórsson var mikið meiddur hjá AIK. Ef Gautaborg tekst að koma honum á flug þá eru hæfileikarnir til staðar, ég fylgdi honum eftir á EM 2016 og hann var magnaður.

Abbe AIK
Hef lílkega aldrei hlegið eins og núna, það versta er að Kolbeinn skorar örugglega tíu mörk á næstu leiktíð og 2-3 af þeim verða gegn AIK. Það er skrifað í skýin.

Joakim Johansen
Það er risastórt fyrir IFK Gautaborg að fá Kolbein Sigþórsson í sínar raðir.

Daniel Kristoffersson – Íþróttafréttamaður
Það kemur hrikalega á óvart að Kolbeinn Sigþórsson sé mættur í Gautaborg, spennandi að sjá hvort Gautaborg komi honum í ganga eftir erfið ár í AIK, þar sem hann var mikið meiddur. Það er ansi líklegt að samningur hans sé að mestu árangurstengdur líkt og hjá AIK.

Anel Avdic – Íþróttafréttamaður
Kolbeinn Sigþórsson er lentur í Gautaborg, það verður mjög spennandi að fylgjast með þessu.

Markus Nilsson
Vonum að Kolbeinn reynist okkur betur en aðrir leikmenn sem hafa komið með tengingu við AIK.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 22 klukkutímum

Tíu ríkustu eigendurnir – Ótrúlegar upphæðir á bankabókinni

Tíu ríkustu eigendurnir – Ótrúlegar upphæðir á bankabókinni
433Sport
Fyrir 22 klukkutímum

Leikir dagsins – Taplaus Tuchel fær útivallarmeistara United í heimsókn

Leikir dagsins – Taplaus Tuchel fær útivallarmeistara United í heimsókn
433Sport
Í gær

Enn einn VAR skrípaleikurinn – Mark dæmt af og aftur dæmt gilt og aftur dæmt af

Enn einn VAR skrípaleikurinn – Mark dæmt af og aftur dæmt gilt og aftur dæmt af
433Sport
Í gær

Þrumaði boltanum í slána af vítapunktinum

Þrumaði boltanum í slána af vítapunktinum
433Sport
Í gær

Fylkir og Breiðablik skildu jöfn – Fjögur mörk á 15 mínútum

Fylkir og Breiðablik skildu jöfn – Fjögur mörk á 15 mínútum
433Sport
Í gær

Aguero snýr aftur – Kevin De Bruyne byrjar

Aguero snýr aftur – Kevin De Bruyne byrjar