Trent Alexander-Arnold átti eins og margir leikmenn Liverpool mjög slæman leik þegar liðið tapaði gegn Burnley í ensku úrvalsdeildinni í gær.

Það sem gerir sigurinn enn sérstakari er sú staðreynd að þetta var fyrsta tap Liverpool á Anfield í ensku úrvalsdeildinni í 1.369 daga. Síðasta tap Liverpool á heimavelli í ensku úrvalsdeildinni fyrir leikinn í kvöld kom á móti Crystal Palace í apríl árið 2017.

Síðan þá hafði Liverpool leikið 69 leiki á heimavelli í deildinni. Unnið 55 leiki og gert 13 jafntefli, hreint út sagt ótrúleg taplaus hrina leikja sem er nú komin á enda.

Trent Alexander-Arnold reyndi 18 fyrirgjafir úr opnum leik gegn Burnley en enginn af þeim heppnaðist. Hann er eini leikmaður deildarinnar sem hefur reynt 12 eða fleiri fyrirgjafir úr opnum leik síðustu fimm árin, án þess að nokkur hafi heppnast.

Trent var einn besti leikmaður Liverpool í fyrra þegar liðið varð enskur meistari en í ár hefur hann upplifað erfiða tíma. Trent tók þrjár hornspyrnur í leiknum en ein af þeim rataði á samherja, í heildina gaf hann boltann fyrir í 21 skipti og aðeins ein af þeim rataði á samherja.