Burnley vann í gær magnaðan 1-0 sigur á útivelli gegn Englandsmeisturum Liverpool. Það sem gerir sigurinn enn sérstakari er sú staðreynd að þetta var fyrsta tap Liverpool á Anfield í ensku úrvalsdeildinni í 1.369 daga.
Síðasta tap Liverpool á heimavelli í ensku úrvalsdeildinni fyrir leikinn í kvöld kom á móti Crystal Palace í apríl árið 2017.
Síðan þá hafði Liverpool leikið 69 leiki á heimavelli í deildinni. Unnið 55 leiki og gert 13 jafntefli, hreint út sagt ótrúleg taplaus hrina leikja sem er nú komin á enda.
Jurgen Klopp, stjóri Liverpool var heiðarlegur í sinni nálgun eftir leikinn og tók tapið á sig. „Það var ómögulegt að tapa en okkur tókst það, en það er mér að kenna. Það er á minni ábyrgð að leikmennirnir hafi sjálfstraust og taki réttar ákvarðanir,“ sagði Klopp en Liverpool hefur ekki skorað í fjórum deildarleikjum í röð.
„Við komum boltanum á rétta staði en tókum ekki réttar ákvarðanir, við verðum að leggja meira á okkur og taka betri ákvarðanir.“
„Það er alltaf mér að kenna þegar illa gengur, þegar vel gengur er það leikmönnum að þakka. Þeir taka mín skilaboð, ef ég kem því á hreint hvaða hreyfingar eiga að koma og við gerum það ekki. Þá verð ég að koma skilaboðum mínum betur til skila.“
Viðtalið má sjá í heild hér að neðan.