Mat Ryan hefur gengið í raðir Arsenal á láni frá Brighton, þessi 28 ára markvörður verður hjá félaginu út þessa leiktíð.
Ryan er landsliðsmaður frá Ástralíu en hann hefur spilað 124 leiki fyrir Brighton eftir að hann kom til félagsins árið 2017.
„Mat er markvörður með reynslu, hann hefur sannað sig í deildinin og hefur spilað með landsliði sínu. Mat styrkir hóp okkar,“ sagði Edu tæknilegur ráðgjafi Arsenal.
Arsenal hefur leitað að markverði í janúar til að veita Bernd Leno samkeppni, Rúnar Alex Rúnarsson hefur verið keppinautur Leno síðustu mánuði.
Rúnar Alex Rúnarsson markvörður Arsenal hefur verið á milli tannana á fólki eftir mistök sín gegn Manchester City fyrir jól. Rúnar Alex fékk þá tækifæri í stórleik og gerði mistök sem reyndust dýrkeypt þegar Arsenal féll úr leik í deildarbikarnum. Áður hafði Rúnar spilað í Evrópudeildinni og staðið sig vel.
Rúnar kom til Arsenal í sumar frá Dijon en líkur eru á að Arsenal láni hann á næstu dögum.