Tíska og fótbolti eru ekki kannski ekki orð sem tala saman en atvinnumenn í knattspyrnu eru oftar en ekki fyrirmyndir fyrir unga krakka.
Hjörvar Hafliðason, Dr. Football hefur verið að ræða um fötin, skóna og úrin sem íslenskir atvinnumenn eru að vinna með.
„Það er mikill áhugi finn ég á þessu, Dr. Football er frábær fyrirmynd. Það eru margir ungir að hlusta, þeir hafa áhuga á hlutum sem Dr. Football hefur ekki beint áhuga á. Þeir eru mikið að velta fyrir sér lífsstíl ungra leikmanna, þeir búa einir út í heimi og hafa gaman af lífinu. Ég styð það,“ sagði Hjörvar Hafliðason í þætti sínum í dag.
Hjörvar fór svo að ræða um skó sem landsliðsmaðurinn, Andri Fannar Baldursson skartar á Instagram. Andri Fannar spilar með Bolgona í efstu deild á Ítalíu.
„Einn af tískuráðgjöfum Dr. Football hafði samband við mig. Það er mynd af Andra Fannari Baldurssyni í Off White Air Force One Nike skóm, þú getur ekki fengið þá nema að eiga online raffle,“ sagði Hjörvar í þættinum.
Skóna hans Andra má sjá hér að neðan.
View this post on Instagram
Hjörvar greindi svo frá því að skórnir sem Andri skartar kosti hálfa milljón.
„Veistu hvað svona skór kosta? Ef þú hefðir keypt þá nýja þá hefði það verið fjárfesting ævi þinnar, þetta eru um 3 þúsund dollarar. Það er hálf milljón, bara strigaskór.
Hjörvar segir eina reglu vera í þessum bransa. „Það sem skiptir máli í þessum bransa er að geyma kassann, þú verður að passa upp á þetta.“