Teitur Magnússon snýr aftur heim í FH eftir stutta dvöl í Danmörku Teitur Magnússon u-19 ára landsliðsmaður, uppalinn FH-ingur og fyrrum leikmaður OB Odense í Danmörku er genginn aftur í raðir FH.

„Teitur skrifar undir tveggja ára samning og ríkir mikil gleði innan Fimleikafélagsins að fá þennan unga hafsent aftur til félagsins,“ segir á VEF FH.

Teitur á að baki einn leik með Meistaraflokki karla og hefur spilað 20 leiki fyrir hönd Íslands í yngri landsliðum Íslands.

„Koma Teits aftur til félagsins er hluti af stefnu Knattspyrnudeildar að sækja leikmenn sem uppaldnir eru hjá félaginu, fara út í atvinnumennsku og koma aftur heim,“ segir á vef FH.

Teitur sem er tvítugur gekk í raðir OB fyrir einu og hálfi ári en dvöl hans hjá félaginu heppnaðist ekki eins og vonir stóðu til.