Breiðablik hefur fest kaup á Davíði Erni Atlasyni bakverði Víkings. Gengið var frá samningi fyrr í dag samkvæmt heimildum.
Sagt hefur verið frá því að Valur hafi einnig reynt að kaupa bakvörðinn, samkvæmt heimildum 433.is hafði Davíð ekki áhuga á að framlengja samning sinn við Víking. Sökum þess ákvað félagið selja hann frekar en að missa hann frítt eftir ár.
Davíð er sagður hafa kvatt liðsfélaga sína í Víkinni í gær en þar hefur hann átt frábær ár, Davíð hefur verið einn besti hægri bakvörður íslenska fótboltans síðustu ár.
Breiðablik hefur verið að skoða stöðu hægri bakvarðar í vetur en hjá Val er fyrir Birkir Már Sævarsson, Davíð kaus að lokum að fara í Breiðablik.
Davíð er 26 ára gamall en hann hefur spilað 150 leiki í meistaraflokki og skorað í þeim tíu mörk.