Stjarnan hefur samið við markvörðinn Arnar Darra Pétursson, en Arnar Darri er uppalin Stjörnumaður sem fór ungur að árum í atvinnumennsku.

Arnar Darri kemur til með að fylla skarð Vignis Jóhannessonar sem lagði hanskana á hilluna í vetur, Haraldur Björnsson er fyrsti markvörður liðsins.

„Það eru gleðifréttir að koma aftur heim og hitta mína góðu vini í uppeldisfélaginu” segir Arnar Darri.

„Það er geggjað að fá Arnar Darra aftur heim í Garðabæinn þar sem hann mun vafalítið styrkja okkar öfluga markmannsteymi undir stjórn Raiko, en teymið hefur í senn mikla reynslu og svo eru spennandi markmenn að koma upp líka sem þeir Arnar og Halli munu styðja við. Það er mikil tilhlökkun að fá Arnar heim og við bjóðum hann hjartanlega velkominn” segir Helgi Hrannarr Jónsson, formaður mfl. ráðs.

Arnar Darri hefur leikið með Þrótti, Fylki og Víkingi Ólafsvík síðustu ár.