Stórleikur Liverpool og Manchester United fór fram um helgina en þrátt fyrir ágætis leik var niðurstaðan markalaust jafntefli Mikið var um færi í leiknum en aldrei náði boltinn að rata í netið en markmenn beggja liða vörðu hvern boltann á eftir öðrum.
Þrátt fyrir að leikurinn hafi ekki staðið undir væntingum var þessi toppslagur sá stærsti í sögu ensku úrvalsdeildarinnar, þegar kemur að áhorfi.
4,8 milljónir í Englandi horfðu á leikinn í beinni útsendingu á Sky Sports, það er 800 þúsund fleiri en höfðu áður horft á sama leikinn.
Stærsti leikurinn fram að stórleiknum á Anfield var leikur Manchester City og United árið 2012. Manchester liðin voru þá að berjast um sigur í deildinni undir lok móts.
Þetta áhorf á sunnudag gæti komið til vegna þess að útgöngubann er í Bretlandi og lítið annað að gera en að glápa á sjónvarpið.
Hér að neðan má sjá stærstu leiki í sjónvarpi í ensku úrvalsdeildinni en The Sun tók saman.
