Michael Owen fyrrum framherji Liverpool segir að eitt af stóru vandamálum Liverpool sé sjálfselska Mohamed Salah upp við mark andstæðinganna.
Salah og félagar hans í Liverpool hafa ekki skorað í þremur deildarleikjum í röð, áhyggjuefni fyrir Jurgen Klopp sem hefur hingað til ekki þurft að hafa áhyggjur af markaskorun hjá Liverpool.
Salah er 28 ára gamall en hann vill fá launahækkun hjá Liverpool en félagið er ekki að skoða þau mál þessa dagana, samkvæmt enskum miðlum.
„Það er mikil eigingirni að koma aftur upp, ég sé þetta,“ sagði Owen.
„Mo Salah er alveg hættur að senda boltann nánast, hann hefur aldrei sent hann mikið en þetta er meira en áður. Ég hef horft á síðustu leiki og hugsað með mér hvað sé í gangi.“
Þrír leikir án þess að skora í deildinni er „afrek“ sem Liverpool hafði ekki náð frá árinu 2005.