Arsenal tók á móti Newcastle United í ensku úrvalsdeildinni í gær. Leikurinn endaði með 3-0 sigri Arsenal en leiki var á heimavelli liðsins, Emirates Stadium.
Framherjinn Pierre-Emerick Aubameyang, kom heimamönnum yfir með marki á 50. mínútu eftir stoðsendingu frá Thomas Partey.
Bukayo Saka tvöfaldaði síðan forystu Arsenal með marki á 61. mínútu eftir stoðsendingu frá Emile Smith Rowe. Það var síðan Pierre-Emerick Aubameyang sem skoraði sitt annað mark í leiknum og tryggði Arsenal sigur á 77. mínútu eftir stoðsendingu frá Cédric Soares.
Aubameyang var skipt af velli skömmu síðar en það vakti athygli, framherjinn var í dauðadfæri á að skora þrennu. Ástæðan var hins vegar sú að Aubameyang hafði verið með mikinn verk í maga og gat ekki beðið lengur.
Aubameyang hljóp á klósettið og losaði um verkinn áður en hann tók sér sæti á varamannabekknum. Mikel Arteta greindi frá þessu eftir leik. „Það var vesen í maga hans,“ sagði Arteta.
