Luke Shaw var einn besti maður vallarins þegar Lierpool og Manchester United gerðu markalaust jafntefli í gær í ensku úrvalsdeildinni.

Shaw sem kom til United árið 2014 en hann hefur ekki alltaf fundið taktinn. Á þessu tímabili hefur Shaw verið í góðu formi og spilað sinn besta fótbolta í lengri tíma.

„Mér líður mjög vel, það er auðvitað Ole að þakka. Hann trúir á mig og ýtir í mig að gera betur,“ sagði Shaw.

Shaw kallaði eftir því fyrir tímabilið að félagið myndi styrkja leikmannahópinn, keyptur var Alex Telles sem veitir Shaw samkeppni.

„Ég og Telles eigum frábært samband, hann ýtir mér áfram á hverri æfingu. Við náum vel saman, það er gott að hafa svona samkeppni. Við ýtum á hvorn annan og náum því besta fram.“

„Þegar Telles spilar þá vona ég það besta fyrir hann, það er eins þegar ég spila. Það er gott fyrir okkur báða.“