Ragnar Sigurðsson miðvörður íslenska landsliðsins hefur verið seldur frá FC Kaupmannahöfn til Rukh Lviv í Úkraínu. Frá þessu segja danskir fjölmiðlar.
Samningur Ragnars við FCK átti að renna út næsta sumar en hann heldur nú í úrvalsdeildina í Úkraínu.
Ragnar var í annað sinn á ferli sínum í herbúðum FCK en hann gekk í raðir félagsins fyrir tæpu ári síðan.
Ragnar sem er 34 ára gamall lék áður með Krasnodar og Rostov í Rússlandi en að auki lék hann með Fulham í næst efstu deild Englands.
Rukh Lviv er í tólfta sæti í úrvalsdeildinni í Úkraínu af 14 liðum, liðið er á sínu fyrsta tímabili í efstu deild.