Phil Neville, er nýr knattspyrnustjóri bandaríska MLS liðsins Inter Miami. Síðasta starf Neville var sem landsliðsþjálfari enska kvennalandsliðsins.
Samningur Neville við enska knattspyrnusambandið átti að renna út í júlí næstkomandi en Neville mun taka við Inter Miami nú þegar.
Inter Miami er í eigu David Beckham, fyrrverandi leikmanns Manchester United og Real Madrid en Beckham og Neville spiluðu á sínum tíma saman hjá Manchester United.
Inter Miami var stofnað árið 2018 og Neville verður annar knattspyrnustjórinn til þess að stýra liðinu.
„Þetta er ungur klúbbur með mikla möguleika. Ég er staðráðinn í því að takast á við verkefnin framundan með leikmönnunum og öllum sem starfa hjá félaginu,“ sagði Neville eftir að hafa skrifað undir samning hjá Inter Miami.
Neville tekur við Inter Miami af Úrúgvæanum Diego Alonso.
„Allir þeir sem hafa spilað eða starfað með Phil vita að hann er leiðtogi og ég trúi því að nú sé rétti tíminn fyrir hann að ganga til liðs við okkur,“ sagði David Beckham, eigandi Inter Miami.
Phil Neville, welcome to #InterMiamiCF!
Former England Women’s National Team manager appointed as second head coach in Club history.https://t.co/hBHMH5Mmmj
— Inter Miami CF (@InterMiamiCF) January 18, 2021