Það hefur vakið mikla athygli þegar að Cristiano Ronaldo, leikmaður Juventus og unnusta hans Georgina Rodriguez, mæta á viðburði hversu ríkulega þau eru skreytt skartgripum.
Þegar Ronaldo tók við verðlaunum sem besti knattspyrnumaður aldarinnar á dögunum, var virði skartgripanna á annarri hendi hans, metið á um 600.000 pund. Það jafngildir tæpum 106 milljónum króna.
Í september á síðasta ári, trúlofaði parið sig og trúlofunarhringurinn er metinn á um það bil 615.000 pund. Það jafngildir 108,6 milljónum króna.
Cristiano Ronaldo, er einn launahæsti knattspyrnumaður í heimi og þénar einnig ríkulega á allskonar auglýsingaherferðum fyrir fyrirtæki. Knattspyrnusnillingurinn er metinn á um það bil 500 milljónir dollara, það jafngildir rúmlega 64,9 milljörðum íslenskra króna.