Athyglisverð upptaka af æfingu Tottenham er nú í dreifingu á netheimum. Á upptökunni virðist mega heyra Jose Mourinho, knattspyrnustjóra Tottenham, láta leikmann liðsins heyra það. Talið er að leikmaðurinn sé Gareth Bale.
„Viltu vera áfram hér eða fara til Real Madrid og spila ekkert?“ má greina Mourinho segja á upptökunni.
🗣 “You want to stay here or go to Madrid and play no football?”
Interesting audio picked up in this video from Jose Mourinho #THFC
— The Spurs Web ⚪️ (@thespursweb) January 16, 2021
Netverjar velta vöngum yfir því hvern Mourinho gæti verið að segja þetta við. Spjótin beinast að Gareth Bale.
Bale gekk til liðs við Tottenham á lánssamningi frá Real Madrid fyrir tímabilið. Hann hefur ekki náð að festa sig í sessi hjá Real Madrid og vonir stóðu til að hann myndi finna sitt gamla form hjá Tottenham. Það hefur því miður ekki ræst fyrir hann.
Tækifærin hafa verið af skornum skammti fyrir leikmanninn hjá Tottenham.