„Góðan daginn, ég heiti Ryota. Draumur minn er að verða knattspyrnumaður og njóta þess að spila með þér einn daginn. Hvað get ég gert til að afreka það,“ sagði Ryota Iwaoka þá 12 ára drengur frá Japan við Cristiano Ronaldo þegar þeir hittust þar í landi.
Ryota fékk að fara upp á svið með Ronaldo til þess að spyrja hann spjörunum úr. Ryota hafði lagt mikið á sig til að geta borið spurninguna fram á portúgölsku. Ryota gerði sitt besta og Ronaldo hreifst af honum.
Í salnum mátti hins vegar heyra fólk hlæja og gera grín að hinum unga Ryota, Ronaldo var ekki skemmt. „Af hverju eru þau að hlæja? Þið ættuð að fagna því hversu hart hann lagði að sér,“ sagði Ronaldo.
Atvikið vakti mikla athygli. Nú sjö árum síðar virðist Ryota veri á góðri leið með að ná markmiði sínu að skara fram úr í fótbolta.
Ryota og lið hans vann U18 ára keppni í Japan nú á dögunum, sterkasta keppnin þar í landi fyrir drengi í hans aldursflokki. „Ráð Ronaldo hafa alltaf verið með mér,“ sagði Ryota eftir sigurinn.
„Mér tókst að verða meistari, síðustu ár hafa verið erfið vegna meiðsla. Það var ein manneskja sem studdi við bakið á mér og mér tókst þetta.“
View this post on Instagram