Liverpool hefur stóran hluta tímabilsins spilað án Virgil van Dijk sem er að margra mati besti varnarmaður í heimi. Van Dijk sleit krossband í október en bataferli hans er á góðum vegi.
Van Dijk er sagður eiga möguleika á að spila í mars sem væri ótrúlega hratt ferli í bata. Gengi Liverpool án hans hefur verið mikil umræðu.
Þegar tölfræðin í úrvalsdeildinni er skoðuð er Liverpool að skora ögn minna með Van Dijk fjarverandi, munar þar um 0,2 mark í leik.
Það sem vekur hins vegar mesta athygli er að Liverpool fær á sig færri mörk að meðaltali í leik. Liverpool fékk 0,8 mark á sig í leik með Van Dijk en án hans fær liðið á sig 0,6 mark í leik.
Sigurhlutfall Liverpool er hins vegar mikið slakara án Van Dijk, liðið vann 76 prósent leikja með hann en vinnur aðeins 54 prósent án hans. Tölfræðina úr enska blaðinu The Sun má sjá hér að neðan.