Didier Drogba fyrrum framherji Chelsea hefur staðfest skilnað sinn við eiginkonu sína til tuttugu ára. Þetta gerði hann eftir að nektarmyndir af honum og annari konu fóru í umferð. Drogba hafði verið giftur Lalla Diakate í tíu ár en samband þeirra hófst fyrir um tuttugu árum, þau skildu í fyrra.

Drogba var um langt skeið einn öflugasti framherji í heimi og raðaði inn mörkum í enska boltanum með Chelsea. Drogba er 42 ára gamall í dag.

„Ég ræði yfirleitt ekki einkalíf mitt en vegna falsfrétta í dag vil ég staðfesta þær fréttir, að eftir tuttugu ár höfum við Lalla ákveðið að skilja. Við tókum þessa erfiðu ákvörðun á síðasta ári, „ sagði Drogba.

„Við erum í nánu sambandi og okkar markmið er að vernda börnin og fjölskylduna.“

Á samfélagsmiðlum hafa myndbönd og myndir af Drogba með ungri konu verið í umferð, þar eru þau eru nakin. Konan unga bítur í öxl Drogba og hann öskrar af sársauka í myndbandi sem farið hefur um samfélagsmiðla.

Talsmaður Drogba segir að sími hans hafi verið hakkaður en vill að öðru leiti ekki tjá sig um málið.