„Þetta er stærri leikur fyrir Liverpool, það er meiri pressa á þeim,“ sagði Jamie Carragher sérfræðingur Sky Sports um stórleik helgarinnar þegar Liverpool tekur á móti Manchester United í ensku úrvalsdeildinni.
Carragher sem lék lengi vel með Liverpool segir að Liverpool verði að sanna ágæti sitt á sunnudag. United situr nú á toppi deildarinnar og er með þriggja stiga forskot á Liverpool.
Liverpool hefur aðeins sótt tvö stig í síðustu þremur deildarleikjum, liðið hefur mætt West Brom, Newcastle og Southampton í þeim leikjum.
„Ef United sækir sigur, þá kemur trú þeirra á það að vinna deildina. Ég held að fólki haldi að United mun missa flugið og Liverpool hafi áfram sín vopn. Ef þú vinnur á Anfield þá sendir það skjálfta í gegnum ensku úrvalsdeildina.“
„Þetta er leikur Liverpool til að sanna ágæti sitt, að þeir séu betra liðið. Ná í úrslit og frammistöðu sem setur pressuna á United.“