Ole Gunnar Solskjær stjóri Manchester United ætlar á nýjan leik að fara að hreinsa út úr leikmannahópi sínum. Daily Telegraph segir frá þessu.

Timothy Fosu-Mensah yfirgaf félagið í gær og gekk í raðir Bayer Leverkusen, Telegraph segir að hann sé fyrstur í röðinni í hreinsun Solskjær.

Solskjær og stjórn Manchester United mun reyna að losa sig við fleiri leikmenn í janúar sem eru í aukahlutverki.

Vitað er að Odion Ighalo fer í lok janúar þegar lánssamningur hans er á enda. Þá eru líkur á að Marcos Rojo og Sergio Romero fari, báðir verða samningslausir í sumar og hafa ekkert spilað í vetur.

Telegraph segir að Andreas Pereira og Diogo Dalot sem eru á láni á Ítalíu séu til sölu. Þá er United tilbúið að selja Phil Jones sem hefur verið mikið meiddur.