Pétur Viðarsson hefur framlengt samning sinn við FH um eitt ár. Pétur sem er 32 ára þarf ekki að kynna fyrir stuðningsmönnum FH, einn af sigursælustu leikmönnum sem hefur í gegnum síðasta áratuginn leitt vörn Fimleikafélagsins.
Pétur spilaði 14 leiki í deild og bikar á síðustu leiktíð. Hann hefur spilað 251 leik fyrir FH á ferlinum og skorað í þeim 12 mörk.
Í desember síðastliðnum var Pétur valinn í lið áratugarins hjá Stöð2Sport, enda einn af bestu varnarmönnum deildarinnar í fjölmörg ár. “Það eru spennandi tímar framundan hjá FH. Það er sterkt FH DNA í mér og með nýjum þjálfurum og nýju fólki skynja ég hungur. Mikið af ungum leikmönnum sem geta náð langt og við erum komnir með lið sem er vel samkeppnishæft. Það er mikil tilhlökkun í mér að byrja knattspyrnusumarið 2021,“ sagði Pe´tur.