Sol Bamba varnarmaður Cardiff í enska fótboltanum er nú að herja baráttu við krabbamein, þessi 36 árs gamli varnarmaður greindist með krabbamein á dögunum.
Bamba greindist með Hodgkin’s eitilfrumukrabbamein. Hann fagnaði afmæli sínu nú í vikunni en varnarmaðurinn hefur nú þegar hafið lyfjameðferð vegna meinsins sem nú hrellir hann.
„Bamba er elskaður af liðsfélögum, starfsfólki og stuðningsmönnum Cardiff. Sol hefur hafið baráttuna með jákvæða hugarfar sitt að vopni og verður mikilvægur hluti af Cardiff fjölskyldunni,“ sagði í yfirlýsingu Cardiff.
Bamba hóf feril sinn með PSG en hann hefur einnig spilað með Hibernian, Leicester og Leeds á ferli sínum.
Bamba hefur þakkað fyrir fallegu kveðjurnar. „Takk fyrir allar afmæliskveðjurnar síðustu daga,“ skrifaði Bamba.
„Stuðningur ykkar hefur gert mig orðlausan, ég er leiður yfir því að geta ekki svarað öllum. Trúið mér, ég les þær allar. Ég veit að ég mun sigrast á þessu.“