Paris Saint-Germain hefur hafið viðræður við Neymar um nýjan samning en frá þessu er greint í dag. PSG vill halda í þennan öfluga leikmann og hann er ánægður í herbúðum París.
Neymar gekk í raðir PSG árið 2017 frá Barcelona fyrir 200 milljónir punda og skrifaði þá undir fimm ára samning.
Neymar hafði talsvert lengi daðrað við endurkomu til Barcelona en fjárhagserfiðleikar félagsins koma líklega í veg fyrir það.
Neymar þénar 110 milljónir íslenskra króna í hverri viku og hefur hann áhuga á að framlengja dvöl sína í París.
PSG varð meistari meistaranna í gær þar sem Neymar skoraði eitt mark í 2-1 sigri á Marseille.
Neymar er einn vinsælasti knattspyrnumaður í heimi og sérstaklega á meðal ungra barna, hann hefur aukið virði PSG með sölu á treyjum og öðrum varningi.