Ákvörðun Arons Jóhannssonar um að gerast landsliðsmaður Bandaríkjanna en ekki Íslands árið 2013, vakti mikla athygli. Aron var í þeirri einstöku stöðu að geta valið á milli þjóða. Hann fæddist í Bandaríkjunum árið 1990 þar sem foreldrar hans voru í námi, hann hafði hins vegar að mestu alist upp á Íslandi.
Ákvörðun Arons þótti umdeild og voru margir Íslendingar reiðir eftir ákvörðun hans, segja má að hann hafi verið umdeildasti maður Íslands eftir þessa ákvörðun. Lars Lagerback, þá þjálfari Íslands var ekki sáttur með ákvörðun Arons og Geir Þorsteinsson, þá formaður KSÍ var einnig ósáttur. ,Þessi ákvörðun kom mér gríðarlega á óvart og ég skil hana ekki. Mér fannst engin efnisleg rök vera fyrir þessari ákvörðun,“ sagði Geir við Fótbolta.net um málið.
Meira.
Skoruðu á fjölmiðla og almenning að snúa Aroni eftir umdeilda ákvörðun
Aron hefur oft útskýrt mál sitt en gerði það á nýjan leik í hlaðvarpsþættinum, Draumaliðið. „Ég fíla Bandaríkin mikið og get
alveg séð mig eiga heima þar í framtíðinni. Mér finnst gaman að vera þarna. Ég fer mínar leiðir í lífinu og mér sama um hvað öðrum finnst um það. Þetta var ekki auðveld ákvörðun,“ sagði Aron við Jóhann Skúla í Draumaliðinu.
Aron lét umræðuna á Íslandi árið 2013 og þar á eftir ekki hafa áhrif á sig, fjölskyldan hafi þó tekið sumt af því inn á sig.
„Mér var alltaf sléttsama. Þetta var mín ákvörðun. Vinir mínir í fótbolta og fjölskylda, þau ráðlögðu mér ekki að gera annað eða hitt. Ég gerði bara það sem ég vildi og ég valdi Bandaríkin. Það eru fullt af fáránlegum hlutum sem ég hefði aldrei upplifað með íslenska landsliðinu.
Aron fór fyrstur Íslendinga á Heimsmeistaramótið árið 2014 í Brasilíu. „Ég fór á stórmót en ég get ekki ímyndað mér hversu mikla gleði og ánægju strákarnir eru búnir að njóta með íslenska landsliðinu,“ sagði Aron um málið.