Skuldir Barcelona aukast jafn og þétt og óvíst er hvort eða hvernig félagið getur komið sér út úr þessari skuldasúpu sem hefur safnast upp.
Skuldastaða félagsins var ekki góð þegar COVID-19 veiran fór að hrella heimsbyggðina og hafa skuldirnar aukist jafnt og þétt síðasta árið. La Vanguardia, blað í Katalóníu segir að skuldir félagsins nálgist nú milljarð evra og óvíst er hvernig félaginu tekst að greiða þær niður. Það sem gerir stöðuna verri er að 420 milljónir evra eru á gjalddaga næsta árið.
Barcelona hafði reiknað með milljarði evra í tekjur á síðustu leiktíð en COVID-19 veiran kom í veg fyrir það. Tekjufallið hefur svo haldið áfram á þessari leiktíð vegna veirunnar.
Þá telja þeir sem þekkja til í Barcelona að félagið geti ekki endurnýjað styrktarsamninga sína og fengið sömu upphæðir og hafa verið í gangi, félagið er með stóra samninga við Rakuten og Beko.
Börsungar kjósa sér nýjan forseta á næstu vikum en Josep Bartomeus sagði starfi sínu lausu á síðustu leiktíð, hann skildi félagið eftir í kröppum dansi.
Þar er talað um að kaupin á Ousmane Dembele, Philippe Coutinho og Antoine Griezmann hafi sett félagið í slæma stöðu. Þeir hafa lítið gert innan vallar en kostuðu allir mikla fjármuni.