Ein óvæntustu úrslit enska bikarsins um helgina var þegar Crawley Town úr fjórðu efstu deild vann sigur á Leeds, sem leikur í efstu deild.
Nick Tsaroulla skoraði eitt marka Crawley í 3-0 sigri liðsins en hann brast í grát að leik loknum. Fyrir því er þó góð ástæða en þessi 21 árs gamli leikmaður hefur upplifað erfiðleika síðustu ár.
Draumur hans um að spila fyrir Tottenham varð að engu þegar hann lenti í alvarlegu bílslysi árið 2017, skömmu síðar var honum tjáð að félagið myndi ekki endurnýja samning hans.
Tsaroulla segir að bílbeltið hafi bjargað lífi sínu árið 2017. Hann var þá á leið á æfingu hjá Tottenham og keyrði um á Audi A1 bíl en hann lenti í árekstri við Audi Q5, miklu stærri bíl. „Þetta var ekki fögur sjón, þetta var Q5 bíll sem var þrisvar sinnum stærri en bíllinn minn, minn bíll var gjörónýtur. Læknirinn fullyrðir að beltið bjargað lífi mínu, án þess væri ég ekki á lífi,“ sagði Tsaroulla.
Tsaroulla var ekki að keyra hratt en áreksturinn breytti lífi hans. „Ég var ekki að keyra hratt, ég var að fara inn í lítið hringtorg svo ég keyrði ekki hratt. Ég þakka bílbeltinu fyrir lífið, það orsakaði mikil eymsli í maga. Það þurfti bara sinn tíma til að jafna sig, hjá stóru félagi eins og Tottenham er tíminn því miður ekki að vinna með þér.“