Grótta, ÍBV, Grindavík og fleiri lið leita sér að þjálfara nú þegar knattspyrnusumarið er á enda. Fjöldi þjálfara er atvinnulaus og leitar sér að nýju starfi.
Bak við tjöldin fara nú fram viðtöl við mann og annan og stjórnarmenn taka brátt ákvörðun í hvaða átt skal halda.
Til gamans tókum við saman nokkra öfluga þjálfara sem vantar vinnu.
Ólafur Kristjánsson
Ólafur hefur verið án starfs frá því vor og gæti hugurinn leitað heim, hefur mikla reynslu sem gæti nýst félögum hér á landi
Heimir Hallgrímsson:
Landsliðsþjálfarinn fyrrverandi leitar að starfi úti í hinum stóra heimi og er nánast útilokað að hann snúi heim.
Sigurbjörn Hreiðarsson
Slakur árangur í Grindavík en Sigurbjörn hefur sannað ágæti sitt í þjálfarateymum, gæti orðið hægri hönd Ólafs Jóhannessonar á nýjan leik.
Helgi Sigurðsson
Með meistaragráðu í að koma upp liðum upp úr Lengjudeildinni, spennandi kostur fyrir lið með metnað.
Ólafur Brynjólfsson
Hefur verið aðstoðarþjálfari Grindavíkur en hefur reynslu sem aðalþjálfari bæði í karla og kvennabolta.
Ásmundur Arnarson
Hættur með Fjölni og er sagður taka við kvennaliði Breiðabliks en gæti eitthvað annað komið á borð hans?
Ágúst Gylfason
Hættur með Gróttu en Ágúst hefur náð frábærum árangri sem þjálfari síðustu ár.
Heiðar Birnir Þorleifsson
Gerði fína hluti með Vestra áður en hann hætti um mitt sumar.
Orri Freyr Hjaltalín
Var rekinn frá Þór úr sínu fyrsta stóra starfi en það er næsta víst að Orri fær annað tækifæri í þjálfun.
Guðlaugur Baldursson
Verður ekki dæmdur fyrir það að falla með Þrótt enda félagið verið í tómu tjóni undanfarin ár. Mögulegur aðstoðarþjálfari fyrir lið í efstu deild.