Napoli vann 2-0 sigur á Cagliari í síðasta leik dagsins í ítölsku Serie A.
Victor Osimhen kom heimamönnum í Napoli yfir á 11. mínútu.
Eftir tæpan klukkutíma leik bætti Lorenzo Insigne svo við öðru marki af vítapunktinum.
Napoli fer frábærlega af stað á tímabilinu. Liðið er nú með 18 stig, fullt hús, eftir sex umferðir. Liðið er á toppi deildarinnar, 2 stigum á undan AC Milan.
Sömu sögu er þó ekki að segja af Cagliari sem er með aðeins 2 stig í næstneðsta sæti.