Þorsteinn V Einarsson hefur á síðustu árum verið þekktur fyrir að berjast fyrir jafnrétti og ræða um eitraða karlmennsku. Á sínum yngri árum var Þorsteinn hvað þekktastur fyrir afrek sín á knattspyrnuvellinum.
Þorsteinn var ungur að árum þegar hann sér þann stóra draum eins og margir aðrir um að verða atvinnumaður í knattspyrnu. Hann ræðir þetta og áfall sem hann og aðrir liðsfélagar urðu fyrir árið 2007 í viðtali við RÚV.
„Það er eiginlega skrýtið að ég hafi klárað menntaskóla því ég sá bara fyrir mér að ég yrði atvinnumaður í fótbolta, en ég fékk högg í andlitið, sálrænt, þegar ég var sautján átján ára,“ segir Þorsteinn við RÚV, þá var hann í unglingalandsliðum Íslands og fékk boð um að fara á reynslu hjá liði á Englandi.
Þjálfari Þorsteins hafði aðeins skáldað í samtali við enska félagið.„Það kemur strax í ljós að það eru ákveðin vonbrigði með hæðina mína. Ég fæ tækifæri en svo bara: Nei, þú ert of lítill. Ég bara: Ha? Draumar mínir fóru þarna að bresta.“
Mikið hefur verið rætt um klefamenninga í fótbolta á síðustu vikum, sumir hafa gengið svo langt að fullyrða að þar grasseri eitruð karlmennska
„Akkúrat klefinn sjálfur var ekkert hræðilegur. Það var rosalega sterk tenging á milli okkar, djúp og góð vinátta og karlasamstaða. Við vorum nánir, og gegnum alls konar,“ segir Þorsteinn.
Þorsteinn heldur því þó ekki fram að sú klefamenning sem hefur verið fjallað um sé ekki til. Hún birtist á öðrum stöðum, „Þegar við förum á djammið og erum annars staðar, úr klefanum“.
Ásgeir Elíasson einn fremsti knattspyrnuþjálfari í sögu Íslands lést árið 2007, hann var þá þjálfari ÍR þar sem Þorsteinn stóð vaktina í markinu.
„Við vorum mættir allir á leik en hann var ekki mættur, sem er ótrúlega skrýtið. Við förum á liðsfund og hann kemur bara ekki,“ segir Þorsteinn við RÚV
Einn liðstjóri ÍR fór heim til Ásgeirs til að athuga með hann, „Og finnur hann látinn heima hjá sér. Við fórum allir að gráta og vorum í miklu áfalli. Þarna hélt hver utan um annan og vorum að gráta og syrgja, gegnum þetta saman.“
Ásgeir var mikill vinur leikmanna ÍR og segir Þorsteinn „Þetta hafði áhrif á spilamennskuna en þarna reyndi á samstöðuna.“
Ítarlegt viðtal við Þorstein af RÚV má sjá hérna.
