Bjarni Jóhannsson þjálfari Njarðvíkur fór í veikindaleyfi í ágúst, við starfi hans tók Guðmundur Steinarsson. Guðmundur var hins vegar ekki mættur til starfa í 3-1 tapi Njarðvíkur gegn Leikni Fáskrúðsfirði síðasta laugardag. Um var að ræða leik í 2 deild karla.
Fótbolti.net fjallar um málið og segir að Bjarni hafi verið mættur á leikinn og hann hafi ferðast með Njarðvíkingum í leikinn.
„Bjarni Jó var í stúkunni, trylltur allan leikinn,“ sagði Gylfi Tryggvason í hlaðvarpsþættinum Ástríðan hjá Fótbolta.net og
Sverrir Mar Smárason tók þá til máls og spurði: „Af hverju var hann ekki á skýrslu?“
„Það er það sem ég ætlaði að ræða við þig. Bjarni Jó var bara í stúkunni, brjálaður allan leikinn. Hann fór með austur og er einn af 43 áhorfendum í Fjarðabyggðarhöllinni,“ sagði Gylfi.
„Vá, hvað það er skrítið… þetta er eitt það skrítnasta sem ég hef heyrt,“ sagði Sverrir um málið.
Sumarið hafa verið mikil vonbrigði fyrir Njarðvík en Bjarni sem er farsæll þjálfari tók við Njarðvík fyrir tímabilið.
