Arsenal, Chelsea og Manchester United hafa, eða ætla sér, að eyða háum fjárhæðum á félagaskiptamarkaðnum í sumar. Vefsíðan CaughtOffside setti að gamni saman lið úr þeim leikmönnum sem þessi lið gætu losað sig við í stað þeirra sem eiga að koma inn.
Arsenal hefur keypt þá Albert Sambi Lokonga, Nuno Tavares og Ben White. Sá síðastnefndi kostaði félagið 50 milljónir punda. Þá hefur Arsenal einnig verið orðað við rándýr kaup á James Maddison, leikmanni Leicester. Það þarf því að losa um fjármuni.
Hector Bellerin, Joe Willock og Willian gætu allir farið. Bellerin er talinn vilja komast til Inter. Þá vill Newcastle fá Willock eftir frábæra lánsdvöl leikmannsins hjá þeim á seinni hluta síðasta tímabils. Willian olli miklum vonbrigðum á sínu fyrsta tímabili með Arsenal. Það væri sennilega í allra hag ef hann kæmist burt.
Chelsea hefur verið rólegt á markaðnum hingað til. Félagið hefur þó verið orðað við stór félagaskipti.
Erling Braut Haaland, leikmaður Dortmund, hefur til að mynda verið orðaður við félagið. Rándýr verðmiði á honum í sumar gæti þó gert það að verkum að Chelsea bíði í ár með að reyna að fá hann. Þá verður hann fáanlegur á um 64 milljónir punda vegna klásúlu. Skipti Jules Kounde til Chelsea frá Sevilla eru talinn öllu líklegri til að ganga í gegn. Spænska félagið vill þó fá um 80 milljónir evra fyrir hann. Chelsea ætlaði sér að senda Kurt Zouma til Sevilla til að klípa af kaupverðinu. Leikmaðurinn er þó ekki talinn hafa áhuga á því.
Zouma er í liðinu yfir leikmenn sem gætu farið. Marcos Alonso, liðsfélagi hans í vörninni, er það einnig. Hann er ekki fastamaður í liðinu. Það sama má segja um þá Ruben Loftus-Cheek og Tammy Abraham. Þeir eru einnig í liðinu.
Man Utd hefur keypt Jadon Sancho fyrir 73 milljónir punda og Raphael Varane fyrir um 40 milljónir punda. Þá er einnig talið að félagið ætli að sækja sér miðjumann. Nýjasta sagan er sú að Saul Niguez, leikmaður Atletico Madrid, gæti verið á leið til Manchester.
Markvörðurinn David De Gea er í liðinu með leikmönnum sem gætu farið. Hann er með himinnháan launapakka og á þessum tímapunkti ferilsins er hann lítið betri en Dean Henderson, sem berst við hann um stöðu markvarðar hjá Man Utd. Eric Bailly, sem á líklega ekki marga leiki fyrir höndum í byrjunarliðiðinu, er í liðinu. Þar eru einnig Nemanja Matic og Anthony Martial. Sá síðastnefndi hefur valdið vonbrigðum frá því að hann kom til Man Utd frá AS Monaco árið 2015.
David De Gea (Markvörður)
Hector Bellerin (Hægri bakvörður)
Kurt Zouma (Miðvörður)
Eric Bailly (Miðvörður)
Marcos Alonso (Vinstri bakvörður)
Nemanja Matic (Miðjumaður)
Ruben Loftus-Cheek (Miðjumaður)
Joe Willock (Miðjumaður)
Willian (Hægri Kantmaður)
Anthony Martial (Vinstri Kantmaður)
Tammy Abraham (Framherji)