Danski miðjumaðurinn Christian Eriksen fær ekki að spila með Inter í Serie A á Ítalíu nema bjargráður hans verði fjarlægður.
Eriksen fór í hjartastopp í leik með danska landsiðinu gegn því finnska á Evrópumótinu í sumar. Í kjölfar atburðarins var bjargráður græddur í hann. Hann á að nema lífshættulegar hjartsláttartruflanir.
Sjá einnig: Eriksen fór í hjartastopp – ,,Hann var farinn, við náðum honum til baka“
Hinn 29 ára gamli Eriksen fær hins vegar ekki að spila á Ítalíu með búnaðinn.
Þess má geta að reglurnar eru þó ekki eins alls staðar. Eriksen gæti spilað knattspyrnu með bjargráð í öðrum deildum.