Egypska fótboltaliðið Al Ahly vann sinn tíunda Afríkumeistaratitil í fyrradag með 3-0 sigri á Kaizer Chiefs frá Suður-Afríku. Þetta sögufræga lið hefur unnið flesta titla af öllum liðum í Afríku og státar næstflestum alþjóðlegum titlum í heiminum en aðeins Real Madrid hefur unnið fleiri.
Liðið frá Kaíró skoraði öll þrjú mörkin í síðari hálfleik en Mohamed Sherif skoraði fyrsta markið á 53. mínútu eftir frábæra stungusendingu frá Akram Tawfik. Mohamed Magdy bætti við öðru marki á 64. mínútu áður en Amr El Solia gerði út um leikinn á 74. mínútu með flottu skoti eftir hælsendingu frá Sherif.
Hægt er að sjá fyrsta mark Egyptanna í leiknum hér að neðan.
A perfect Akram Tawfik pass and an even better Mohamed Sherif finish 👌⚽️@AlAhly | #TotalEnergiesCAFCL pic.twitter.com/ZrCdJpKMTo
— TotalEnergies CAFCL – TotalEnergies CAFCC 🏆 (@CAFCLCC) July 19, 2021