Renato Sanches miðjumaður Lille í Frakklandi er á óskalista Liverpool í sumar en frá þessu segja franskir fjölmiðlar.
Sanches er 23 ára gamall en hann var lykilmaður í liði Lille sem vann frönsku deildina mjög óvænt á síðustu leiktíð.
Franskir miðlar segja að Jurgen Klopp horfi til Sanches til að fylla skarð Gini Wijnaldum sem fór frítt frá félaginu.
Sanches átti að verða stórstjarna í fótboltanum en fann sig ekki þegar hann fór ungur að árum til FC Bayern, hann var meðal annars lánaður til Swansea.
Sanches fann svo taktinn hjá Lille og nú horfir Klopp til þess að krækja í þennan 23 ára kröftuga leikmann.