Jose Mourinho hefur ráðlagt Gareth Southgate þjálfara Englands hvaða breytingar hann skal gera á byrjunarliði liðsins fyrir kvöldið.
Englendingar hafa ekki verið sannfærandi í upphafi Evrópumótsins og vill Mourinho sjá breytingar.
Breytingar:
Jack Grealish fyrir Mason Mount
Jude Bellingham fyrir Kalvin Phillips
Marcus Rashford fyrir Phil Foden
Mourinho myndi gera þrjár breytingar á liðinu en ljóst er að Masoun Mount dettur út, hann er í sóttkví eftir smit hjá Billy Gilmour leikmanni Skotlands.
Mourinho myndi einnig setja Phil Foden á bekkinn og koma Marcus Rashford fyrir í liðinu. Loks myndi Mourinho setja Jude Bellingham á miðjuna fyrir Kalvin Phillips.
England mætir Tékklandi í kvöld en með sigri mun liðið vinna riðilinn. „Ef Harry Kane fær þrjú færi þá skorar hann tvö mörk. Fólk talar um að framherjar klikki á færum en Harry hefur ekki fengið færi,“ sagði Mourinho um framherja enska landsliðsins.