fbpx
Fimmtudagur 23.september 2021
433Sport

Þetta eru stórliðin sem hafa reynt að næla í Viðar Örn Kjartansson: Tefldi og svaraði spurningum í Chess After Dark

Björn Þorfinnsson
Fimmtudaginn 17. júní 2021 12:58

Viðar Örn Kjartansson. Fréttablaðið/Anton

Ekki missa af Helstu tíðindum dagsins í pósthólfið þitt

Lesa nánar

Framherjinn dáði, Viðar Örn Kjartansson, var gestur hjá drengjunum í Chess After Dark í vikunni, þeim Leifi Þorsteinssyni og Birki Karl Sigurðssyni. Þar sat Viðar Örn, sem er nokkuð glúrinn skákmaður, og svaraði spurningum áhorfenda og á meðan hann glímdi við áskoranir frá þeim á skákborðinu.

Einn áhorfandi spurði Viðar Örn hver hafi verið stærstu liðin sem reyndu að fá íslenska landsliðsmanninn til liðs við sig.
Viðar Örn taldi þá upp nokkur athyglisverð lið eins og rússneska stórliðið Zenit Petersburg, þýska liðið Stuttgart þar sem íslenskir leikmenn hafa gert garðinn frægan sem og franska stórliðið Bordeaux.

„Það er eitt að hafa áhuga og annað að koma þessu öllu í gang. Ég er að meina lið sem að komu með tilboð,“ sagði framherjinn, sem greinilega mátti þó hafa sig alla við að halda uppi samræðum á meðan hann varðist ágengum sóknartilburðum andstæðingsins á skákborðinu.
Fleira áhugavert kom fram í þættinum en Viðar Örn sagðist vera opinn fyrir því að enda knattspyrnuferilinn á Íslandi.

„Ég kem til Íslands og spila ef skrokkurinn verður í fínu lagi,“ sagði Viðar Örn. Aðspurður hversu gamall hann væri sagði framherjinn léttur: „Ég er 31 árs en lít út fyrir að vera yngri. Ég veit það alveg.“

Viðar Örn spilar nú með norska liðinu Vålerenga en þar gerði hann garðinn frægan árið 2014 þar sem hann skoraði 25 mörk í 29 leikjum. Hann hefur átt óvenju litríkan feril og spilað fyrir lið á borð við Maccabi Tel Aviv, FC Rostov, Rubin Kazan og Yeni Malatyaspor svo einhver séu nefnd.

Horfa má á þáttinn í heild sinni hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 17 klukkutímum

Hefur tröllatrú á Ronaldo – ,,Ég þori að veðja á að hann verði stjóri Manchester United eftir 18 mánuði“

Hefur tröllatrú á Ronaldo – ,,Ég þori að veðja á að hann verði stjóri Manchester United eftir 18 mánuði“
433Sport
Fyrir 18 klukkutímum

Allsvenskan: Elfsborg tapaði mikilvægum leik – Ari Freyr og félegar í Evrópubaráttu

Allsvenskan: Elfsborg tapaði mikilvægum leik – Ari Freyr og félegar í Evrópubaráttu
433Sport
Fyrir 21 klukkutímum

Vesen hjá Rooney og félögum – Greiðslustöðvun og 12 stig í mínus

Vesen hjá Rooney og félögum – Greiðslustöðvun og 12 stig í mínus
433Sport
Fyrir 22 klukkutímum

KSÍ gæti þurft að greiða Kolbeini miska- og fjártjónsbætur: Neita að biðjast afsökunar

KSÍ gæti þurft að greiða Kolbeini miska- og fjártjónsbætur: Neita að biðjast afsökunar
433Sport
Í gær

Ný yfirlýsing KSÍ – „Úttekt á viðbrögðum vegna kynferðisofbeldismála sem tengst hafa leikmönnum“

Ný yfirlýsing KSÍ – „Úttekt á viðbrögðum vegna kynferðisofbeldismála sem tengst hafa leikmönnum“
433Sport
Í gær

Deildarbikarinn: Minamino með tvennu í sigri Liverpool – Mahrez skoraði tvö fyrir City

Deildarbikarinn: Minamino með tvennu í sigri Liverpool – Mahrez skoraði tvö fyrir City