Harry Kane var tekinn af velli þegar um 10 mínútur voru til leiksloka í fyrsta leik Englendinga á EM. Liðið sigraði Króatíu 1-0 með marki frá Raheem Sterling. Jamie Carragher telur að Kane hafi átt að fara fyrr af velli.
Harry Kane átti aðeins eitt skot á marki í leiknum og klúðraði dauðafæri eftir sendingu frá Mason Mount.
„Kane sást varla í sigrinum og virkaði dauðþreyttur,“ skrifaði Carragher í The Telegraph.
„Sumir segja að Southgate hafi sýnt hugrekki með því að skipta út fyrirliðanum en það var einfaldlega augljóst að það þurfti að gera.“
„Þetta gæti verið raunveruleikinn fyrir Kane. England getur fengið mikið út úr honum ef hann gefur allt í þetta í 65-70 mínútur og inn koma ferskir fætur.
„Það þýðir ekki lengur að láta hann spila allar mínútur svo hann geti unnið gullskóinn.“