Rúrik Gíslason fyrrum landsliðsmaður í knattspyrnu var í gær sakaður um að hafa haldið framhjá fyrirsætunni Nathalia Soliani sem verið hefur unnusta hann í tæpr þrjú ár. Allir stærstu fjölmiðlar Þýskalands fjalla um málefni Rúriks í dag og meint framhjáhald hans. Eitt allra stærsta dagblað Þýskalands kveður þær kjaftasögur í kútinn um að Rúrik hafi haldið framhjá Soliani.
Í Bild kemur fram að Rúrik hafi slitið sambandi sínu við Soliani áður en hann hóf að taka þátt í Let´s Dance í Þýskalandi. Rúrik varð að stórstjörnu í Þýskalandi í þáttunum og vann að lokum keppnina, fleiri milljónir manna horfðu á hvern einasta þátt.
Soliani steig fram í fyrradag og fór að saka Rúrik um framhjáhald á Instagram síðu sinni. Athygli hefur vakið að hún fylgir Rúrik ekki lengur á samfélagsmiðlum og þá hefur hún eytt öllum myndum af honum á Instagram.
Samkvæmt Bild eru hins vegar nokkrir mánuðir síðan að Rúrik sleit sambandinu við Soliani og hann virðist hafa fundið ástina á nýjan leik. Samkvæmt þýskum miðlum og Soliani er Rúrik nú staddur í Grikklandi með Valentina Pahde sem einnig keppti í þáttunum.
„Samband þeirra hefur þróast síðustu vikur, þú fannst það að það var eitthvað í gangi á milli þeirra,“ sagði starfsmaður á bak við tjöldin í Let´s Dance þáttunum við Bild.
Hvorki umboðsfólk Rúriks eða Pahde vildu ræða málið við þýska miðla.