Wesley Fofana, varnarmaður Leicester City var myndaður í Arsenal treyju í sumarfríi sínu í Dubai. Hann heldur því fram myndin sé einungis til vegna þess að hann hafi verið plataður af vinum sínum.
Fofana vakti mikla athygli á sínu fyrsta tímabili á Englandi en hann kom frá Saint Etienne. Hann er nú orðaður við stærstu lið Evrópu eftir frábært tímabil hjá Leicester.
Þegar Fofana sást í Arsenal treyju fóru sögusagnir á flug á netmiðlum en Fofana útskýrði málið strax á Twitter:
„Ég var plataður af nokkrum félögum í að klæðast Arsenal Treyju,“ skrifaði Fofana á Twitter.
„Ég spilaði fótboltaleik með nokkrum vinum og í lokin skiptust við á treyjum. Það var tekin mynd og ég hafði enga hugmynd um að hún myndi enda á samfélagsmiðlum.“
„Ég finn til með aðdáendum okkar og er reiður út í strákana fyrir að hafa nýtt þetta tækifæri til þess að láta mig líta illa út.“
Fofana er með samning við Leicester til 2025 og er ólíklegt að félagið vilji selja kappann til keppinautanna.
💙🦊 I'm not a good coach we lost 20 to 5 😂😂😂😭 pic.twitter.com/E9tLrgyNsJ
— LAWESTT (@Wesley_Fofanaa) June 5, 2021
Wesley Fofana in an Arsenal shirt ❤️ pic.twitter.com/r8sJaJQRSC
— Arsenal Transfers (@ArsenalNews93) June 6, 2021