Blaðamannafundi íslenska landsliðsins sem halda átti í dag hefur verið frestað, kynna átti hópinn fyrir komandi vináttulandsleiki gegn Mexíkó, Færeyjum og Póllandi.

Ástæðan fyrir frestuninni eru þær að breytingar hafa orðið á leikmannahópnum sem Arnar ætlaði að velja, COVID reglur og annað flækjustig í vali á hópnum varð til þess að fundinum hefur verið frestað.

Fundurinn átti að hefjast rétt eftir hádegi en óvíst er hvenær Arnar Þór Viðarsson muni kynna hópinn, líklegt er að það verði í þessari viku.

Fréttir um að Arnar Þór hefði verið í viðræðum við OB í Danmörku eru ekki ástæða þess að fundinum var frestað. Þær fréttir bárust frá Danmörku í dag en Arnar hefði svarað fyrir slíkt á fundi dagsins. Frestunin er þó aðeins kominn til vegna þess að nokkrir leikmenn hafa dottið út úr hópnum sem Arnar hafði sett saman.

Arnar Þór þarf að púsla hópi sínum saman á nýjan leik en leikirnir fara fram frá 30 maí til 8 júní.