fbpx
Miðvikudagur 23.júní 2021
433Sport

2. deild karla: Haukar gerðu fimm fyrir austan – Jafnt á Grenivík

Helgi Sigurðsson
Laugardaginn 15. maí 2021 18:59

Ekki missa af Helstu tíðindum dagsins í pósthólfið þitt

Lesa nánar

Fimm leikir fóru fram í 2. umferð 2. deildar karla í dag. Fullt af mörkum litu dagsins ljós.

Magni tók á móti Njarðvík á Grenivík. Dominic Vose kom Magna yfir í lok fyrri hálfleiks. Bergþór Ingi Smárason jafnaði fyrir gestina í upphafi þess síðari. Þegar um tíu mínútur lifðu leiks kom Magnús Þórðarson Njarðvíkingum yfir en Vose jafnaði með sínu öðru marki stuttu síðar. Lokatölur 2-2. Njarðvík er með 2 stig eftir tvo leiki. Magni er með 1 stig.

Haukar heimsóttu Leikni á Fáskrúðsfjörð. Eina mark fyrri hálfleiks gerði Guðmundur Arnar Hjálmarsson, leikmaður heimamanna, í eigið net. Staðan í hálfleik var 0-1 fyrir Hafnfirðinga. Stefán Ómar Magnússon jafnaði fyrir Leikni eftir klukkutíma leik. Stuttu síðar fór Tómas Leó Ásgeirsson þó langt með að gera út um leikinn fyrir gestina með tveimur mörkum á fimm mínútna kafla. Staðan orðin 1-3. Hann fullkomnaði þrennu sína þegar tæplega stundarfjórðungur var eftir áður en Anton Freyr Hauks Guðlaugsson skoraði fimmta mark Hauka. Björgvin Stefán Pétursson klóraði í bakkann fyrir heimamenn í lok leiks. Haukar eru með 3 stig eftir tvo leiki. Leiknir er án stiga.

Þróttur Vogum fékk Fjarðabyggð í heimsókn. Andy Pew kom heimamönnum yfir um miðjan fyrri hálfleik en Vice Kendes jafnaði fyrir gestina þegar rúmar tíu mínútur voru eftir. Þróttur er með 2 stig eftir jafnmarga leiki. Fjarðabyggð er með 1 stig.

ÍR sótti Völsung heim á Húsavík. Arian Ari Morina kom þeim yfir eftir klukkutíma leik. Jorgen Pettersen tvöfaldaði forystu ÍR um tíu mínútum síðar. Sæþór Olgeirsson minnkaði muninn fyrir Völsung á 77. mínútu. ÍR er með fullt hús stiga eftir tvo leiki. Völsungur er með 3 stig.

KF vann 0-2 útisigur á Reyni Sandgerði. Omar Diouck skoraði fyrra markið á 50. mínútu og Theodore Develan Wilson það seinna. KF er með fullt hús eftir tvo leiki. Reynir er með 3 stig.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 17 klukkutímum

Garðar Örn um frægðina og gælunafnið: „Ég var sakaður um að hata heilt bæjarfélag“

Garðar Örn um frægðina og gælunafnið: „Ég var sakaður um að hata heilt bæjarfélag“
433Sport
Fyrir 18 klukkutímum

Freyr staðfestur sem þjálfari Lyngby

Freyr staðfestur sem þjálfari Lyngby
433Sport
Fyrir 21 klukkutímum

Brandon má fara

Brandon má fara
433Sport
Fyrir 22 klukkutímum

Beiðni þeirra um að styðja baráttu samkynhneigðra hafnað

Beiðni þeirra um að styðja baráttu samkynhneigðra hafnað
433Sport
Í gær

Stingur félag sitt í bakið og semur við erkifjendurna

Stingur félag sitt í bakið og semur við erkifjendurna
433Sport
Í gær

Glódís stóð vaktina í vörninni er lið hennar sigraði

Glódís stóð vaktina í vörninni er lið hennar sigraði