Cristiano Ronaldo leikmaður Juventus er brjálaður út í vefsíðuna TransferMarkt sem heldur utan um ansi víðtæka tölfræði um knattspyrnumenn.
Vefsíðan heldur einnig úti tölfræði um verðmæti leikmanna og uppfærist sú staða nokkuð reglulega.
Ronaldo fylgist greinilega ansi vel með TransferMarkt og virðist hafa brjálast yfir því að verðmiði hans hafi lækkað. „Hann sagði við okkur að hann væri ósáttur með verðmatið á sér,“ sagði vefsíðan í svari.
Ronaldo lokaði á að vefsíðan gæti skoðað hann á Instagram og merkt hann í færslur. Verðmæti á Ronaldo hafði nýlega lækkað úr 80 milljónum evra í 66 milljónir evra á vefsíðunni. Við það kann þessi magnaði knattspyrnumaður illa.
Ronaldo er samkvæmt TransferMarkt í 65 sæti yfir verðmætustu leikmenn í heimi en hann hefur skorað 21 mark í 21 deildarleik á þessu tímabili.