Gareth Bale kantmaður í eigu Real Madrid ætlar ekki að gefa félaginu eina krónu í afslátt næsta sumar. Bale er þessa dagana á láni hjá Tottenham, enska félagið borgar helming launa hans á meðan Real Madrid borga hinn helminginn.
Ensk blöð segja að Bale sé með 600 þúsund pund á viku, 106 milljónir íslenskra króna á viku.
Hann snýr aftur til Real Madrid í sumar en félagið vill losna við hann af launaskrá til að geta fjármagnað kaup á nýjum leikmönnum.
Ensk blöð segja í dag að Bale muni ekki fara frá Real Madrid nema að félagið komi til móts við hann, hann vill fá sínar 106 milljónir á viku þangað til samningur hans er á enda.
Bale veit að hann fær þessi laun ekki hjá öðru félagi og mun krefjast þess að Real Madrid haldi áfram að borga hluta af launum hans, fari hann annað næsta sumar.